Бұл туралы сот кабинетінен белгілі болды.
"Амангелді Айтбектің Қуандық Уәлиханұлы Бишімбаевқа материалдық залалды өндіріп алу және моральдық зиянды өтеу туралы талап – арызы бойынша азаматтық іс бойынша дау мәніне дербес талаптарын мәлімдемейтін үшінші тұлғалар ретінде Амангелді Теміршотұлы Нүкеновті, Жұмағұл Көшерханқызы Нүкенованы тартсын", — делінген құжатта.
Сот отырысы 3 қыркүйекте сағат 11: 00-де өтеді.
Еске салайық, 2024 жылы 13 мамырда Қуандық Бишімбаев 24 жылға, Бақытжан Байжанов төрт жылға бас бостандығынан айырылған болатын.
