ҚР ІІМ баспасөз қызметінің хабарлауынша, екі шетелдік өз "қамқоршысының" тапсырмасымен заңсыз өндіріс ұйымдастыру үшін Қазақстанға келген.
"Тінту барысында есірткі дайындайтын жабдықтар, 6,4 келіден астам мефедрон және әрі қарайғы өндіріс үшін прекурсорлардың қалдықтары бар 200 литрлік реактор табылды. Шетелдіктер мен олардың астаналық сыбайласы қамауға алынды. Қылмысқа қатысы бар басқа да адамдарды анықтау шаралары жалғасуда", делінген полиция хабарламасында.
Бұған дейін ҰҚК Қостанай облысындағы ірі есірткі зертханасын жою сәтінің видеосын жариялаған болатын.