Тіркелген іс материалдарындағы дерекке сәйкес, Бородулиха ауданының "Ауыл" өткізу бекетінде шекара қызметінің қызметкерлері Т-ның жол сөмкесінен экстремистік деп танылған және Қазақстан Республикасы аумағында әкелуге және таратуға тыйым салынған, ұлтаралық және діни араздықты қоздыруға шақыратын шет тілдегі діни әдебиеттерді тапқан.
Т. әкімшілік құқық бұзушылық жасағанын толық мойындап, діни мазмұндағы түрік тіліндегі кітаптарды өз қажеттілігі үшін Қырғызстан Республикасынан сатып алғанын түсіндірді.
Іс материалдарын зерделей келе, сот Т-ны кінәлі деп танып, оған 369 200 теңге көлемінде әкімшілік айыппұл салды.
Сот қаулысы заңды күшіне енген жоқ.
2024 жылы 10 желтоқсанда Атырауда діни-экстремистік идеологияны уағыздаушы ер адам ұсталған.