Еске сала кетейік, Қазақстан Республикасының "Халықтың көші-қоны туралы" Заңының 49-бабына сәйкес, егер шетелдік азамат күнтізбелік жыл ішінде Қазақстаннан 183 күннен артық уақыт бойы тыс жерде болса, тұруға ықтиярхат күші жойылады. Бұл ереже сапар санына қарамастан қолданылады — бастысы 1 қаңтардан 31 желтоқсанға дейінгі аралықтағы жалпы болмау мерзімі ескеріледі.
"Сапарды жоспарлағанда елден тыс әрбір күнді ескеріңіз", — деп атап өтті көші-қон қызметінің мамандары.
Бұл талапты сақтамау құқықтық мәртебеден және республикада ұзақ мерзім тұру құқығынан айырылуға әкелуі мүмкін.
Бұған дейін бүгін Мемлекет басшысы Ішкі істер министрі Ержан Сәденовті қабылдағаны хабарланған.