Құзырлы ведомство баспасөз қызметінің хабарлауынша, заманауи камералар мен "Автоураган-МС" мобильді кешендері шетелдік нөмірлері бар автокөліктердің де жол ережесін бұзғанын анықтай алады.
Мысалы, Ақтөбеде мобильді аппараттық-бағдарламалық кешендердің көмегімен жол ережесін 200-ден астам рет бұзған екі Lexus жол талғамайтын көлігі анықталды.
"Оның бірі алты ай ішінде 94 рет ереже бұзып, жалпы сомасы 3,2 миллион теңгеден астам айыппұл жинаған. Ал екінші көлік жыл басынан бері 126 рет заң бұзып, 4 миллион теңгеден астам айыппұл салынған. Жүргізушілерге қатысты әкімшілік шаралар қабылданып, көліктер коммуналдық тұраққа қойылды". Ақтөбе облысы ПД баспасөз қызметі
Аймақта жұмыс істеп тұрған мобильді кешендер жол қозғалысы қауіпсіздігін арттыруға және жол-көлік оқиғаларының санын азайтуға көмектеседі.
Бұған дейін Шымкентте полициядан қашқан жүргізушінің видеоға түсіп қалғанын жазғанбыз. Ол жеті рет бағдаршамның қызыл түсін елемей, жол кескен.
