"Мой город" басылымы бұл іс 2024 жылдың қазан айынан бастап Қылмыстық істер жөніндегі мамандандырылған ауданаралық сотта жабық режимде қаралып келе жатқанын жазады. 2025 жылы 24 ақпанда судья Ерлан Нұршәріп үкім шығарды.
"Сот ер адамды ҚР ҚК-нің 121-бабының 4-бөлігінде көзделген қылмыстық құқық бұзушылық жасағаны үшін кінәлі деп тануға және оған өмір бойына бас бостандығынан айыру түріндегі жаза тағайындау туралы үкім шығарды. ҚР ҚК-нің 50-бабының 2 және 3-бөлімдеріне сәйкес, оған кәмелетке толмағандармен жұмыс істейтін, сондай-ақ педагогикалық лауазымдарды атқаруға өмір бойына тыйым салынсын". Ерлан Нұршәріп
Сотталған адам жазасын өмір бойына төтенше қауіпсіздік қылмыстық-атқару жүйесі мекемесінде өтейтін болады.
Бұдан бөлек, сот сотталғаннан баланың анасының пайдасына кәмелетке толмағанның мүддесі үшін 3 миллион теңге мөлшерінде моральдық зиян сипатында өтемақыны, сондай-ақ өкілдің көмегінің шығындарына бір миллион теңге сомасында ақы өндіріп алу туралы ұйғарым шығарылды.
Үкім заңды күшіне енген жоқ.
Өткен жылдың соңында Павлодар облысындағы асырап алушы отбасында қыз бала зорланды: күдікті өз-өзіне қол жұмсады.