"Диапазон" порталының мәліметінше, оқыс оқиға супермаркеттегі банкоматтардың жанында болған. Бір әйел кезекті сақтамаған қызға ескерту жасайды. Осы сөзді көтере алмаған жас кейіннен әрекетке көшкен. Ол сауда залының кіреберісінде сол әйелді алдынан күтіп алады. Нәтижесінде іс сотқа жетіп, қызға бұзақылық жасады деген айып тағылды. Ол өз кінәсін мойындады, бірақ жәбірленуші де өзіне қолын көтергенін атап өтті.
Зардап шеккен әйелдің айтуынша, дүкенге барамын деп бас ауруын тауып алып, остеохондрозын асқындырған. Ол емделуге 200 мың теңгеден астам қаражат жұмсаған. Сондықтан ол айыпталушыдан моральдық зиян үшін 1 миллион теңге төлеуді талап етті.
Сот 22 жастағы қызды бұзақылық жасағаны үшін кінәлі деп тауып, алты айға бас бостандығын шектеді. Осы мерзім ішінде сотталған адамға ойын-сауық орындарына баруға тыйым салынады, жұмыстан кейін ол үйде болуы керек. Сондай-ақ, ол жәбірленушіге адвокаттың қызметі үшін 800 мың және моральдық зиян үшін 100 мың теңгені өтеуге міндеттелді.
Бұған дейін Талдықорғанда оқушылардың біртүрлі ойыны бірнеше құзырлы мекемені аяғынан тік тұрғызғанын хабарлағанбыз.