Атап айтқанда, Ереже Министрліктің 2025 жылғы 1 шілдеден бастап қолданысқа енгізілетін жаңа функцияларымен толықтырылды:
- өз құзыреті шегінде тауар биржалары арқылы міндетті түрде өткізілуге жататын биржалық тауарлардың сауда-саттығына мониторинг жүргізу;
- сауда қызметін реттеу саласындағы уәкілетті орган бекітетін биржалық тауарлардың тізбесін келісу, сондай-ақ оған өзгерістер немесе толықтырулар енгізу;
- Сауда қызметін реттеу саласындағы уәкілетті орган бекітетін әлеуметтік маңызы бар биржалық тауарлардың тізбесін келісу, сондай-ақ оған өзгерістер немесе толықтырулар енгізу;
- Инвестициялар жөніндегі уәкілетті органға инвесторлар және олардың инвестициялық жобалары туралы мәліметтерді ұсыну.
Сонымен қатар, жаңа редакцияда келесі тармақ көрсетілген:
- "Қазақстан Республикасындағы сәулет, қала құрылысы және құрылыс қызметі туралы" Заңның және Қазақстан Республикасының сәулет, қала құрылысы және құрылыс саласындағы өзге де нормативтік құқықтық актілерінің талаптарына сәйкес ерекше мәртебесі бар Республикалық маңызы бар қалалардың, астананың және облыстық маңызы бар қаланың сәулет келбетін қалыптастыру және қала құрылысын жоспарлау қағидаларын келісу.
Қаулы қол қойылған күнінен бастап қолданысқа енгізіледі.