Атырауда 33 жастағы видео блогер мен 39 жастағы қала тұрғыны ұсталып, уақытша ұстау изоляторына қамалды.
"Олар жеке кәсіпкерден 2 миллион теңге қорқытып алды деген күдікке ілінді. Сондай-ақ тінту шаралары кезінде полиция қызметкеріне күш қолданған. Қазіргі уақытта күдіктілерге қатысты қорқытып алу және билік өкіліне күш көрсету әрекеттері бойынша қылмыстық іс қозғалып, тергеу амалдары жүргізілуде", делінген полиция хабарламасында.
Өзге ақпарат тергеу мүддесіне сәйкес жариялауға жатпайтыны нақтыланады.
Бұған дейін Абай облысының түзеу мекемесінде ұйымдасқан қылмыстық топтың тоғыз мүшесі өзге жазасын өтеушілерден ақша бопсалап келгенін жазғанбыз.