Қағидаларға мынадай жаңа норма қосылды:
"Мемлекеттік білім беру тапсырысы аясында бөлінетін орындардың саны магистратураның ғылыми-педагогикалық және бейінді бағыттары бойынша Академия ректорының Жоғарғы Сот Кеңесінің Төрағасымен келісуі арқылы бөлінеді".
"7М042 – Құқық" кадрлар даярлау бағыты бойынша магистратураға қабылдау келесі түрде жүзеге асырылады:
- ғылыми-педагогикалық бағыт бойынша оқу мерзімі – екі жыл;
- бейінді бағыт бойынша оқу мерзімі – бір жыл.
Бұған дейін Әділет академиясының магистратурасына тек "7М042 – Құқық" бағыты бойынша бір жылдық оқу мерзімімен қабылданған болатын.
Магистратураға түсетін тұлғалар құжаттарды қабылдау аяқталған сәтте келесі жасқа толуы тиіс:
- ғылыми-педагогикалық бағыт бойынша – 28 жасқа;
- бейінді бағыт бойынша – 29 жасқа.
Құжаттарды тапсыру:
Жеке келіп тапсырған жағдайда өтініш беруші мынадай құжаттарды ұсынады:
- жеке басын куәландыратын құжат не цифрлық құжаттар сервисінен алынған электрондық құжат (тұлғаны сәйкестендіру үшін);
- жоғары білім туралы құжат немесе оның қосымшасымен бірге цифрлық құжаттар сервисінен алынған электрондық құжат;
- мемлекеттік қызметші болып табылатын тұлғалар үшін – жұмыс орнынан қол қойылған жолдама;
- мемлекеттік қызметшілер үшін – құқықтық мамандық бойынша жұмыс өтілін растайтын жұмыс орнынан анықтама;
- аймақтық квота бойынша және мемлекеттік қызметші болып табылмайтын тұлғалар үшін – еңбек қызметін растайтын құжат;
- 075/У нысанындағы медициналық анықтама;
- халықаралық шет тілін меңгеру сертификаты (бар болған жағдайда) – ғылыми-педагогикалық бағытқа түсетіндер үшін.
Шетелде берілген білім туралы құжаттар Қазақстан Республикасының заңнамасына сәйкес танылуы тиіс. Шет тіліндегі құжаттар мемлекеттік немесе орыс тіліне нотариалды куәландырылған аудармасымен қоса беріледі.
Электрондық үкімет порталы арқылы ("жеке кабинет" арқылы) тапсырған жағдайда ұсынылатын құжаттар:
- ЭЦҚ-мен куәландырылған электрондық өтініш;
- жоғары білім туралы құжаттың және оның қосымшасының электрондық көшірмесі;
- мемлекеттік қызметшілер үшін – жолдаманың электрондық көшірмесі;
- құқықтық мамандық бойынша жұмыс өтілін растайтын анықтаманың электрондық көшірмесі;
- мемлекеттік қызметші емес тұлғалар үшін – еңбек қызметін растайтын құжаттың электрондық көшірмесі;
- 075/У нысанындағы медициналық анықтаманың электрондық көшірмесі;
- шет тілін меңгеру сертификатының электрондық көшірмесі (бар болса) – ғылыми-педагогикалық бағытқа түсетіндер үшін.
Құжаттардың шынайылығы мен сертификаттардың мерзімі қабылдау комиссиясымен тексеріледі.
Қызмет көрсетуші тұлғаны сәйкестендіру үшін қажетті деректерді "электрондық үкімет" шлюзі арқылы мемлекеттік ақпараттық жүйелерден алады.
Мамандық бойынша қабылдау емтиханы үш кезеңнен тұрады:
Кешенді тестілеу (Ұлттық тестілеу орталығы базасында):
- Ғылыми-педагогикалық бағытқа түсетіндер: шет тілі тесті (ағылшын, неміс немесе француз), білім беру бағдарламалары топтары бойынша бейіндік тест, оқуға дайындықты анықтау тесті.
- Бейінді бағытқа түсетіндер: тек бейіндік тест тапсырады.
Кейс (жағдаяттық тапсырма) шешу:
- Азаматтық, қылмыстық және әкімшілік құқық салалары бойынша жағдайлық тапсырмалар.
- Эссе жазу.
- Шет тілінен босатылу: Ғылыми-педагогикалық бағытқа түсушілер келесі халықаралық сертификаттардың біріне ие болған жағдайда, шет тілі бойынша тест тапсырудан босатылады:
- Ағылшын тілі: IELTS Academic – кемінде 6 балл, TOEFL iBT – кемінде 60 балл;
- Неміс тілі: DSH немесе TestDaF – B2 деңгейі;
- Француз тілі: TFI, DELF, DALF, TCF – кемінде B2 деңгейі.
Магистратураға қабылдау: Ғылыми-педагогикалық және бейінді бағыттар бойынша мемлекеттік білім беру тапсырысы аясында магистратураға қабылдау мамандық бойынша емтиханның үш кезеңінің жиынтық балына сәйкес конкурс негізінде жүзеге асырылады – аймақтық квота бойынша және жалпы тәртіппен бөлек.
Аймақтық квота бойынша конкурс нәтижесінде бос орындар қалса, олар магистратура бағыты бойынша жалпы конкурс тәртібімен қайта бөлінеді.
Сонымен қатар, мемлекеттік білім беру тапсырысы негізінде мемлекеттік қызметшілерге көрсетілетін білім беру қызметтері туралы шарттың кейбір тармақтарына өзгерістер енгізілді.
Бұл бұйрық 2025 жылғы 30 мамырдан бастап күшіне енді.