Белгілі болғандай, тексеру барысында аталған уақытта көлікте жас жұп отырғаны, олардың арасында тұрмыстық жанжал болғаны анықталды. Сонымен қатар, полицейлер жол қозғалысы ережелерін өрескел бұзу және түнгі тыныштықты бұзу арқылы қоғамдық тәртіпті бұзған басқа да құқықбұзушылықтарды тіркеді.
"Көлік тізгінінде болған 23 жастағы ер адам қызға күш қолданғаны үшін қылмыстық жауапкершілікке тартылды. Қайталануы мүмкін зорлық-зомбылықтың алдын алу мақсатында полиция жәбірленушіні қорғау шараларын қабылдады. Қазір қыз полицейлердің қорғауында, онымен тергеушілер жұмыс істеуде. Абай облысының Полиция департаменті азаматтардың өмірі мен денсаулығына төнген кез келген қауіп заң шеңберінде қатаң қаралатынын ескертеді", делінген полиция хабарламасында.
Айта кетсек, Ақтөбеде мешіт ауласында қыз бен жігіт арасында орын алған оқиғаға қатысты ҚМДБ пікір білдірген болатын.