Атап айтқанда, қаулы жобасы бірқатар дәрілік заттар мен медициналық қызметтерді қосылған құн салығынан босатуды көздейді:
- Тегін медициналық көмектің кепілдік берілген көлемі және міндетті әлеуметтік медициналық сақтандыру жүйесі шеңберінде, сирек (орфандық) және әлеуметтік маңызы бар ауруларды қоса алғанда емдеуге арналған дәрі-дәрмектер неғұрлым тиімді бағада қолжетімді болады;
- ТМККК және МӘМС шеңберінде медициналық қызметтер, сондай-ақ сирек (орфандық) және әлеуметтік маңызы бар ауруларды емдеуге арналған медициналық қызметтер ҚҚС-тан босатылады.
Денсаулық сақтау министрлігі бұл шара пациенттерді қолдау және емнің қолжетімділігін арттыруға бағытталғанын атап өтті.
"Қосылған құн салығынан босатылу медициналық ұйымдарға қаржылық жүктемені төмендетеді және пациенттерге мүмкіндікті кеңейтеді",- делінген ақпаратта.
Өкім жобасы денсаулық сақтау жүйесін жақсарту шаралары шеңберінде іске асырылуда және халықты әлеуметтік қорғауды нығайтуға ықпал етеді.
Құжат 13 қазанға дейін жария талқылау үшін "Ашық НҚА" сайтында орналастырылған.