Қылмыстық іс бойынша төрағалық етуші судья Еркін Майшинов үкімді жариялады: сотталушы Александр Пак, 1993 жылы туған, ҚР ҚК-ның 345-1-бабы, 4-бөлігі, яғни "Абайсызда екі және одан да көп адамның өліміне әкеліп соқтырған алкогольдік масаң күйіндегі жол қауіпсіздігі ережелерін бұзушылық" бойынша қылмыс жасағаны үшін кінәлі деп танылды. Оған ең төменгі қауіпсіздік колониясында 10 жыл бас бостандығынан айыру жазасы тағайындалды.
"Александр Пак Қазақстан Республикасы Қылмыстық кодексінің 345-бабының 4-бөлігінде көзделген қылмыстық құқық бұзушылық жасағаны үшін кінәлі деп танылды. Сот оған көлік құралын басқару құқығынан өмір бойына айыра отырып, 10 жылға бас бостандығынан айыру жазасын тағайындау туралы шешім шығарды. Жазаны өтеу орны – ең төменгі қауіпсіздік қылмыстық-атқару жүйесі мекемесі... Жәбірленушінің моральдық зиян өтемақысын өндіріп алу туралы азаматтық талабы ішінара қанағаттандырылды: Рүстембек Шотеновтың пайдасына өтемақы ретінде 10 млн теңге өндіріліп алынсын". Еркін Майшинов
Айта кетсек, 2026 жылғы 21 наурызда Алматыдағы әл-Фараби даңғылында болған жол апаты салдарынан үш адам қаза тапқан болатын. Тергеу мәліметінше, Zeekr көлігінің жүргізушісі мас күйінде жолдың қарсы бетіне шығып кетіп, Mercedes автокөлігімен соқтығысқан. Салдарынан Mercedes-тің жүргізушісі мен екі жолаушысы оқиға орнында көз жұмды.
Александр Пак сотта өз кінәсін толық мойындады. Бұған дейін ол апаттың қалай болғанын баяндап, көліктегі ақау белгісінен кейін тежегіш жүйесі істемей қалғанын айтқан еді.