Бүгін Ресейдің Екатеринбург қаласында үш қазақ боксшысы кәсіби бокстағы айқастарын өткізеді, деп хабарлайды ҚазАқпарат тілшісі.
Олар - Рустам Сыбай, Дәулет Дәукенов және Әбілхайыр Шегалиев.
Бұлардың арасында Рустам Сыбай кәсіпқой рингте алғашқы айқасын өткізеді. Ал Дәулет Дәукенов үшінші, Әбілхайыр Шегалиев болса екінші жекпе-жегіне шыққалы отыр. Екеуі де осыған дейінгі айқатарын жеңіспен бастаған.
«RCC Boxing Promotions» промоутерлік компаниясы ұйымдастыратын бокс кеші аясында Рустам Сыбай Василий Поднебесныймен, Шегалиев Әбілхайыр Иван Ерховпен және Дәулет Даукенов Михаил Лесников жұдырықтасады.
Фото: inform.kz