Отандық блогерге берген сұхбатында Баян Мақсатқызы зиянды әдетке әуес екенін айтқан еді. Атышулы продюсер темекі шегетінін жасырмады. “Алайда біздің қоғамда бұл туралы айтуға болмайды” деген ол әрі қарай бұл тақырыпты қозғамауды өтінді, - деп хабарлайды Stan.kz.
Күні кеше желіде экс-Есентаеваның бейтаныс еркектермен ішімдік ішіп отырған сәті жарияланды. Жанкүйерлер Мақсатқызының бұл әрекетін теріс қабылдады. Алайда продюсерді жерден алып, жерге салған жұрт бұл кадрлардың кинофильм түсірілімінен алынғанын білгенде біраз саябырсыды.
Естеріңізде болса, бұған дейін Баян Мақсатқызы мюзикл-фильм түсіріліп жатқанын, онда өзінің басты рөл сомдайтынын айтқан еді. Аталған кинокартинада экс-Есентаева шоу-бизнесте жолы болмаған продюсердің рөлін сомдайды. Мақсатқызының кейіпкері алкогольді ішімдікке әуес.
Фото: Stan.kz