Соңғы кездері әлемге танымал тұлғалармен жиі кездесіп жүрген Димаш Құдайберген тарихи суретімен бөлісті. Ол Елбасының немересі Нұрәли Әлиевпен және Геннадий Головкинмен түскен суретін көрсетті, - деп жазады Stan.kz.
“Қайырлы кеш. Бауырларым Нұрали мен GGG-мен бірге. Сіздерді көргеніме қуаныштымын. Шанхай”, – деп жазды Димаш инста-парақшасында.
Айта кетейік, Нұрәли Әлиев – Дариға Назарбаева мен Рахат Әлиевтің ұлы. Ол бұған дейін «Hit TV» телеарнасының президенті, «Нұрбанк» АҚ директорлар кеңесінің төрағасы, Астана әкімінің орынбасары қызметтерін атқарған. 2016 жылы биліктен кеткен Әлиев жеке кәсіппен айналысатынын айтқан еді. Алайда Әлиев 2017 жылдың шілде айында Қазақстанның альпинизм және спорттық құзға өрмелеу федерациясы басшысының қызметіне тағайындалды.
Фото: stan.kz