РМК "Қазгидромет" алдағы 3 күнге арналған ауа-райы болжамын айтты, - деп хабарлайды Zakon.kz.
Қазақстанның басым территориясына Сібір антициклоны жотасының әсері таралды. Осыған байланысты аз бұлтты, жауын-шашынсыз ауа райы, ауа температурасы 5-10 градусқа климаттық нормадан жоғары болып сақталуда, тек республикамыздың шығысы мен оңтүстігінде нормаға жақын.
"Алдағы үш тәулікте оңтүстік циклонның жылуы әсерінен, антициклон жотасы бұзыла бастайды. Циклонның атмосфералық фронттарының шығысқа жылжу барысында, басында батысқа, ал 25 қарашадан республиканың басқа да облыстарында жауын-шашын, кобінесе ылғалды қар түрінде, оңтүстігінде жаңбыр, кей жерлерде тұман, солтүстік облыстарда көктайғақ күтіледі", - дейді синоптиктер.
Фото: inform.kz