Талантты суретші, қазақ бейнелеу өнерінің негізін қалаушылардың бірі Әбілхан Қастеевтің немересі Дәурен Қастеев Open Eurasia-2017 байқауында екінші орынды иеленді, - деп хабарлайды Zakon.kz байқаудың сайтына сілтеме жасап.
Open Eurasia-2017 байқауының қорытындысы Швеция астанасында (Стокгольмде) қорытындыланды. Ашық әдеби байқаудың «Иллюстрация», «Видеофильм», «Аударма» және «Әдеби шығарма» атты төрт санатында әлемнің 8 елінен барған 20 қатысушы жеңімпаз атанды.
Жеңімпаздардың есімі Open Eurasian Literature Festival & Book Forum VI Халықаралық әдеби фестивалінің ашылу салтанатында жарияланды.
Хабарланғандай, сыйлық лауреаты Дәурен Қастеев «Иллюстрация» санатында екінші орынды иеленді.
Фото: www.inform.kz