Оңтүстік Қазақстан облысының Созақ ауданында тұрғын үйде өрт болып, үш бала көз жұмды, тағы бір адам зардап шеккен, деп хабарлады облыстық ТЖД баспасөз қызметі. Бұл туралы Today.kz "Интерфакс-Қазақстан"-ға сілтеме жасап хабарлайды.
Баспасөз қызметінің бейсенбі күні таратқан ақпары бойынша, өткен түні Шолаққорған ауылында жер үй отқа оранған.
Алған күйіктен оқиға орнында 2005, 2006 және 2011 жылы туылған үш бала қаза болды. Сонымен қатар, 35 жастағы ер адам ауруханаға жеткізілді, делінген хабарламада.
Өрт аумағы 250 шаршы метрді құраған. Өртті сөндіруге жеке құрамның 11 адамы мен 3 техника бірлігі жұмылдырылды.