"Қазгидромет" РМК ауа райының қысқа мерзімді болжамдар басқармасының басшысы Ардақ Қалменова Жаңа жыл мерекесінде қазақстандықтарды қандай ауа райы күтіп тұрғанын айтты, деп хабарлайды Sputnik Қазақстан.
Синоптиктердің болжамына сүйенсек, Жаңа жылда ауа райы тұрақты, жауын-шашынсыз болады.
"Қазақстанның барлық облысында жауын-шашынсыз ауа райы болжанады. Батыста ауа температурасы 10-15, кей жерлерде 20 градус, солтүстікте 20-25, кейбір аудандарда 28 градус, шығыс аймақтарда 20-25, кей жерлерде 30 градус, ал оңтүстік аймақтарда 5-10, кейбір аудандарда 15-20 градус аяз аяз болады", — деді Қалменова.
Қазгидромет өкілі барлық өңірде таңертең және түнде тұман түсетінін айтты.