"Болашақ" бағдарламасының магистранты, Қазақстанның бұрынғы сенаторы Ермек Жұмабаевтың ұлы – Асқар Жұмабаев Нью-Йоркте қайтыс болды, деп хабарлады Sputnik Қазақстан Сыртқы істер министрлігі баспасөз қызметіне сілтеме жасап.
"Нью-Йорктегі біздің бас консулдықтың жәрдемімен марқұмның денесі бүгін түнде Қазақстанға жеткізілді. Дәрігерлердің қорытындысы бойынша, жүрегі тоқтап, көз жұмған", — деп хабарлайды ведомство.
Асқар Жұмабаев "Болашақ" бағдарламасы бойынша оқып жүрген. Әкесі Ермек Жұмабаев 1995-2014 жылдары Қазақстан сенатының депутаты болған.