Ақтаудың оңтүстік жағы қып-қызыл болып жатыр, - деп хабарлайды Хабар 24.
Шаһарда мұндай құбылыс жыл сайын байқалады. Қатты дауыл тұрып, теңіз балдырлары жағаға соғылған. Ұрылған өсімдіктердің әсерінен су осындай түске боялады. Оның үстіне қазір күн жылынып, балдырлар тез көбейіп жатыр. Бастапқы жылдары «теңізге қан төгілген» деп үйрейленген тұрғындар бүгінде бұл көрініске үйренген. Суретке түсіп, табиғат құбылысын тамашалайды.
Биологтардың айтуынша, қызыл балдырларда йод көп болады екен. Сондықтан мамандар йод жетіспейтін жандар үшін жағалауда тынығып, таза ауамен тыныстаудың өте пайдалы екенін айтады.