Астана әкімшілігі 12 қаңтар күні елордада мектептер мен колледждегі сабақтар тоқтатылмайды, деп хабарлайды Zakon.kz Астана қаласы Білім басқармасының сайтына сілтеме жасап.
«Құрметті ата-аналар! Бүгін, 12 қаңтар күні сабақтар тоқтатылмай уақытымен жүретін болады. Қазгидромет деректері бойынша, ауа райы -13 градус, желдің екпіні 5 м/с», - деп жазылған хабарламада.
Астана қаласы Білім басқармасы елорда тұрғындарын әлеуметтік желіде тарап жатқан жалған ақпаратқа сенбеуге шақырды.
Еске сала кетейік, кеше Астанада боран болып, салдарынан мектеп оқушылары мен колледждің 1-2 курс студенттеріне сабақ тоқтатылған болатын.