Ақтаудың 60 жастағы тұрғыны өзі тұрып жатқан тұрғын үйге қызмет көрсететін КСК төрағасына «ұры» және «алаяқ» деген сөздер айтқаны үшін айыппұл төлейді, деп хабарлайды Вaq.kz.
Маңғыстау облыстық сотының ақпаратына сәйкес, сот лингвистикалық сараптамасы бұл сөздер адамның ар-намысына тиеді деген қорытынды шығарды.
Оқыс жағдай өткен жылдың шілде айында тұрғындардың жиналысы өтіп жатқанда болды. Зейнеткер мұндай сөздерді ашумен айтқанын жеткізді. Өйткені КСК бес жыл бойы қаржылық есеп көрсетпей, тұрғындарды алдап, қызмет бағасын көтерген.
Болған жағдайдың видео және аудио жазбасы бар. Егде жастағы әйел өзін кәнілі деп санамайды.
Дегенмен, сот әйелді «Кеміту» бабына сәйкес кінәлі деп таныды және 25 АЕК (60 125 теңге) көлемінде айыппұл төлеу керек деген шешім шығарды. Енді оны зейнеткер әйел бір айдың ішінде төлеу керек.