Павлодарда тәулігіне орта есеппен үштен жеті тоннаға дейін қар қала сыртына шығарылады, деп хабарлайды pavlodarnews.kz.
Қалалық тұрғын үй-коммуналдық шаруашылығы бөлімінің хабарлауынша, жиналып қалған қарды жұмысшылар түнде тазалайды. Павлодарда қаңтар айында шамамен 110 мың тоннадан астам қар қала сыртына шығарылды. Жүк көліктері қарды қалалық қоқыс аумағына және оған қарсы орналасқан полигондарға тасымалдауда. Аталмыш нысандар толып қалған жағдайда Шарбақты көпірінің артында орналасқан қосалқы аумаққа жіберіледі.
- Қазіргі таңда жаяу жүргіншілер жолындағы қар мен мұзды тазалауға баса назар аударылуда. Қаланың көшелерінде қар күнде жауғандықтан, тәулігіне 32 жүк тиегіш және түрлі модификациядағы 110 көлік жұмыс істейді, 3-7 мың тонна қар шығарылады, - деді Павлодар қаласы тұрғын үй-коммуналдық шаруашылығы, жолаушылар көлігі және автомобиль жолдары бөлімі жол жөндеу бөлімінің басшысы Николай Казанин.