Ақмола облысында ер адам пойыздың астынан түсіп көз жұмды, деп хабарлайды ҚазАқпарат.
Аймақтық ТЖД баспасөз қызметінің хабарлауынша, оқыс оқиға 2018 жылдың 4 ақпанында түнгі уақыт 02:50 шамасында Көкшетау бекетінде болған.
«1984 жылы туған ер адам темір жолды рұқсат етілмеген жерінен кесіп өтпек болған. Осы кезде, № 1615 жүк пойызы қағып кетеді. Ер адам оқиға орнында көз жұмды», - деп түсіндірді баспасөз қызметіндегілер. Қазіргі кезде, оқиғаның мəн-жайы анықталып жатыр.
