Шығыс Қазақстан облысының Зырян ауданында балабақша тәрбиешісінен туберкулез дерті анықталды. Ол каңтар айында пневмония ауруынан емделген. Балабақша қызметкерлері жыл сайын арнайы медициналық тексеруден өтеді, «бұған дейін ешкімнен туберкулез анықталмады», - дейді мамандар. Ал, тәрбиеші құрт ауруының жабық формасына шалдыққан, деп жазады kaztrk.kz.
Соған қарамастан, балабақшадағы кішкентайлар арнайы медициналық тексеруден өтті.
Ғабит Тобатаев, ШҚО Денсаулық сақтау басқармасының бас маманы: - Өкпесінде ісігі бар адам Зырян қаласындағы ауруханада ем алып жатыр. Бүгінгі күні ол кісінің ауруы айналасындағы адамдарға жұқпалы еместігі анықталды. Емін алып біткен жағдайда қайтадан толық тексеруден өтеді. Қазіргі кезде балалардың барлығы тексеруден өтті. Ауру бала анықталған жоқ. Ата-аналармен қосымша жұмыс істелді.
Айдана Дайырова