Тұрсынғали Алагөзов үйінен қуып шығу үшін сотқа арызданған ұлына жауап берді, деп хабарлайды Zakon.kz.
Ол өз ойын инстаграм парақшасына жазды.
“Мен саған мүлдем ренжімеймін, Арсен. Осыны білгеніңді қалаймын, басқаша ойлап қалма. Қазір қандай күйде болғаныңмен, уақыт өте келе бұл әрекетіңнің қате екенін түсінетін шығарсың. Өмірде қандай жағдайға тап болсаң да, мен сені әрдайым қолдап, көмегімді аямаймын. Сені жақсы көремін. Бұл жай ғана пәтер ғой. Сатып алуға, айырбастай салуға болатын. Ары мен ұяты бар адам олай жасамайды. Осыны есіңде сақтағаныңды қалаймын”, – деп жазады Тұрсын Алагөзов.
Еске сала кетейік, 2 наурыз күні Алматы қаласы Бостандық ауданының сотына Тұрсынғали Алагөзовтің атына ұлы Арсен Алагөзовтен арыз түскен. Арсен Алагөзов әкесі мен онымен бірге тұрып жатқандарды үйінен қуып шығуды қалайтынын жазған.