Instagram әлеуметтік желісінде Қазақстан Президенті Нұрсұлтан Назарбаевтың жас кезінде өзінің жолдастарымен бірге бокс қолғабын киіп түскен фотосуреті жарияланды, деп хабарлайды BNews.kz.
Фотосуреттің төменгі жағына Мемлекет басшысының сөзі келтірілген, онда ол әрбір отбасында салауатты өмір салтын ұстанудың маңыздылығын айтқан.
"Бізге ең шешуші түрде жаңа ғасырда тұрмысымызға, санамызға, қоғамымызға, жалпы әрбір отбасына салауатты өмір салтының ғибадатын енгізу қажет. Бұл басымдылық, еліміздің болашағы, ұлтымыздың болашағы үшін ерекше маңызды болуы мүмкін", - деп жазылған elbasy_live Instagram парақшасында.
Ал әлеуметтік желінің қолданушылары өздерінің пікірлерімен бөлісіп, Елбасына мықты денсаулық тіледі.
