Алматы облысы Іле ауданының көші-қон полициясының инспекторы мен бөлім басшысы парамен ұсталды, деп хабарлайды ҚазАқпарат.
«Іле ауданының көші-қон полициясының инспекторы мен бөлім басшысының үстінен ҚР ҚК 366-бабы 3-бөлігі 4-тармағы және 394-бабы 2-бөлігі бойынша іс қозғалып, материал сотқа жетті», деп мәлімдеді Алматы облысының соты.
Аталған іс Іле аудандық сотында 19 сәуір күні қаралады.
Ведомствоның мәліметінше, көші-қон полициясының инспекторы 120 мың теңге пара алып тұрған жерінен ұсталған.
Ал бөлім басшысы оқиға орнынан қашып кетіп, артынша қолға түскен.