Астана қаласында Бейбітшілік және Келісім сарайында ҚР Президенті Нұрсұлтан Назарбаевтың төрағалық етуiмен «Бес әлеуметтiк бастама - қоғамның әлеуметтiк бiрлiгiнiң тұғыры» тақырыбымен Қазақстан халқы Ассамблеясының ХХVI сессиясы басталды, деп хабарлайды Zakon.kz.
Ассамблея мүшелерінің жалпы саны - 466 адам, залда 413 адам қатысуда. Биылғы Қазақстан халқы Ассамблеясының ХХVI сессиясын ашық деп жариялаймын, - деді Мемлекет басшысы.
Ассамблея мүшелерінің қатарында елдің барлық өңірiнен келген Ассамблея ардагерлері, республикалық және өңірлік этномәдени бірлестіктердің төрағалары, Парламент депутаттары, орталық атқарушы органдар, саяси партиялар, діни бірлестіктер, үкіметтік емес ұйымдардың басшылары, ЖОО ректорлары, шет мемлекеттердің дипломатиялық миссияларының, ғылыми, шығармашыл зиялы қауым өкiлдерi мен бұқаралық ақпарат құралдары бар.
Сессия соңында салтанатты концерт өтедi.