Адам өлімімен аяқталған жол көлік оқиғасы түнгі 1:30 шамасында Рысқұлов даңғылы мен Емцов көшесінің қиылысында орын алды, деп хабарлайды Zakon.kz.
Куәгерлердің айтуынша, BMW автокөлігі Рысқұлов даңғылымен батыс бағытта келе жатқан. Toyota Camry шығысқа қарай жүріп келе жатып, Емцов көшесімен солға бұрылмақ болады.
Көлік жүргізушілері жолды бөлісе алмай, апатқа ұшырады. Қатты соққыдан Toyota көлігі жолдың шетіне шығып кетеді.
Апаттың салдарынан екі көліктің жүргізушісі мен екі жолаушы зардап шеккен. Toyota көлігінің жолаушысы оқиға орнында көз жұмды. Қалған 3 адам ауруханаға жеткізілді.