Мәскеуде ҚР ІІМ Интерполының Ұлттық орталық бюросының өтінішімен, аса ірі көлемдегі алаяқтық бойынша халықаралық іздеуде жүрген қазақстандық азамат Ертаев Жомарт ұсталды, деп хабарлайды Zakon.kz.
"Ол "Bank RBK" АҚ директорлар кеңесінің төрағасының кеңесшісі бола отырып, келісілген ЖШС-ларға 80 миллион доллар көлемінде банктік қарыз беруді лоббилеген, сондай-ақ, алған қаражаттарды алдағы уақытта қайтармау мақсатында әрекет еткен", - делінген ІІМ хабарламасында.
Қазіргі уақытта Ертаевты Қазақстанға экстрадициялау мәселесі шешіліп жатыр.
Еске сала кетейік, 8 мамырда Мәскеу орталығында елордалық қылмыстық іздестіру бөлімінің қызметкерлері Росгвардияның сарбаздарымен бірге қазақстандық банкир Жомарт Ертаевты қолға түсірген болатын.