Алматы облысы, Чапаев ауылының маңында автобус өртеніп кетті, деп хабарлайды Zakon.kz ҚР ІІМ Төтенше жағдайлар комитетіне сілтеме жасап.
"22 мамыр күні сағат 21:49-да "Алматы-Астана" тас жолының 56 шақырымында, Чапаев ауылының маңында, Жезказган-Алматы бағытындағы «VANHOOL» маркалы автобус өртеніп кетті. Өрт 22:24-те ауыздықталып, 23:10-да жойылды", - делінген хабарламада.
Автобуста 8 адам болған, олар өз күштерімен сыртқа шыққан. Зардап шеккендер жоқ.
Оқиға орнына Алматы облысы өрт сөндіру қызметінің үш қызметкері мен мамандандырылған өрт сөндіру техникасы жіберілді.