Павлодар облысындағы ауылды жерлерде қатты желдің салдарынан мектеп, жеке ЖШС, дүкен, электр желісі кәсіпорындарының шатырлары қирап, екі көлік зақымданды. Дауылда ешкім зардап шекпеген, деп хабарлайды ҚазАқпарат.
«23 мамырда 10.20-да Железинск ауданындағы Железинка ауылында қатты желдің салдарынан (жылдамдығы 16 м/с) №2 орта мектептің 15 шаршы метр шатыры қираған. Оқиғадан ешкім зардап шекпеді», - деп хабарлады Павлодар облыстық ТЖД баспасөз қызметінен.