Ұлттық экономика министрі Тимур Сүлейменов халыққа есеп беру кездесуінен кейін кулуарда Ресей жерінде өтіп жатқан футболдан Әлем чемпионатында Агентина құрамасына жанкүйерлік ететінін айтты, деп хабарлайды Baq.kz.
Ол министрлер бір-бірімен футбол алаңында кездесе мен деген журналистер сауалына жауап бергенде өзінің сол жақ қорғаушы позициясында ойнайтынын айтты.
«Жеңіс Қасымбекпен инвестициялар және даму министрі – авт.) бірге доп тебемін», - деп жауап берді Сүлейменов.
Сондай-ақ, ол өзінің футбол жанкүйері екенін жасырмады. Сүлейменов Әлем чемпионатында Аргентина құрамасына болысатынын атап өтті.
Айта кетсек, Ресейде 14 маусым мен 15 шілде аралығында футболдан Әлем чемпионаты өтіп жатыр. Осыған дейін бірқатар шенеуніктер мундиальда қай елдің құрамасына жақтасатынын айтқан болатын.
