Атырауда жеңіл жүрісті қыздарға үй жалға берген азамат жазаға тартылды, деп хабарлайды ҚазАқпарат тілшісі.
«Атырау қаласының мамандандырылған әкімшілік сотында жеңіл жүрісті қыздарға үй жалға берген азамат Б.-ға қатысты әкімшілік құқық бұзушылық туралы ісі қаралды. Құқық бұзушы Б. Атырау қаласындағы «Сарыарка» мөлтекауданында орналасқан пәтерді жалға алып, кейін оны жезөкшелікпен айналысатын адамдарға ұсынған, сонысымен, ӘҚБтК-ң 450-бабының 1-бөлігінде көзделген құқық бұзушылықты жасаған. Сот отырысында Б. кінәсін мойындап, әрекетіне өкінді», деп хабарлады облыстық соттың баспасөз қызметінен.
Айта кету керек, сотпен құқықбұзушы Б.-ны Қазақстан Республикасының ӘҚБтК-нің 450-бабының 1-бөлігімен кінәлі деп танып, үй-жайлар жалға беру қызметі 3 айға тоқтатылып, оған 100 айлық есептік көрсеткіш көлемінде 240 500 теңге айыппұл салды.