Алматы сотының баспасөз қызметі Денис Тенның өліміне қатысты үшінші күдікті туралы хабарлады деп жазады Zakon.kz.
25-шілдеде Алмалы аудандық сотына Денис Теннің өліміне қатысы бар деген күдікпен Жанар Толыбаеваны қамауға алу түріндегі алдын-алу шарасын қолдануға өтініш түсті, - делінген сот хабарламасында.
Ол Қазақстан Республикасы Қылмыстық кодексінің 434 (қылмыс туралы хабар бермеу) және 188-бабының 2-тармағы (ұрлық) бойынша қылмыстар жасағаны үшін күдікті деп танылды.
«Алмалы аудандық сотының шешімімен Жанар Толыбаеваға қатысты екі ай мерзімге қамауға алу түріндегі алдын-алу шарасы тағайындалды», - деп хабарлады сот.
