Арапатта тұру, Мұздалифа мен Минада түнеу, шайтанға тас ату, ифада тауабын жасау, Сафа мен Мəруа жоталары арасында жүру сынды қажылықтың парыздары мен міндеттері орындалды, деп хабарлайды Zakon.kz ҚМДБ баспасөз қызметіне сілтеме жасап.
Қажылық миссиясының пəтуа беру тобы қажылық парыздарының, сүннеттері мен рүкіндерінің дұрыс орындалуына назар аударды. Қажылық міндеттерін қате орындап қойған азаматтарға түсіндіру жұмыстары жүргізілді.
Қазақстаннан келген қажылар бүгіннен бастап Мəдина қаласына жолға шығады.
Айта кетейік, биыл елімізден 3000 азамат қажылық парызын өтеуге келді.
