Қазақстанның соттары стилистикасына мән беруге және шешендік өнерлерін дамытуға міндеттеледі. Жаңа талап 1 қыркүйектен бастап күшіне енгізілмек, деп хабарлайды Алтайньюс тілшісі.
Ағымдағы жылдың 1 қыркүйегінен бастап соттарға екі талап қойылатын болды. Біріншісі, жазбаша сөйлеу мәдениет сақтау. Сот шешімдерінің, үкімдері мен қаулыларының бірыңғай құрылымы мен стилін ұстау талап етіледі. Екіншіден, үкім шығарғаннан кейін кез келген сот қарапайым және түсінікті тілмен қабылдаған шешімі туралы түсіндіріп, айту керек.
Осыған орай еліміздің соттары шешендік өнерді жаппай меңгеруде. ШҚО соты баспасөз қызметінің хабарлауынша, біздің аймақта шешендік өнер бойынша семинар-тренинг 9 шілдеде өткен екен.