Түркістан облысында арнайы операция барысында мал ұрламақ болған ұйымдасқан қылмыстық топтың жолы кесілді. Бұл туралы ҚР ІІМ ресми өкілі Алмас Сәдубаев мәлімдеді, деп хабарлайды Today.kz.
"Ұйымдасқан қылмыстық топтың бес мүшесі еркін жайылып жүрген 20 бас жылқыны ұрламақ болған жерлерінен ұсталды. Топтың қылмыстық әрекетінің сызбасы ашылды, әр қатысушының рөлі анықталды, араларында болған келісім расталды, сондай-ақ қылмыстың барлық кезеңі құжатқа түсті. Түркістан облысы аумағында олар малды 26 рет ұрлаған. ҚР ҚК екі бабы "Ұйымдасқан қылмыстық топ құру және басшылық ету" мен "Аса ірі көлемде жасалға ұрлық" бойынша сотқа дейінгі тергеу жүріп жатыр", – деді ол.
Түркістан облысы Арыс ауданында да мал ұрлаушылардың жолы кесілді.
Бұдан бөлек, Таразда Шымкент ІІД криминалды полиция қызметкерлері АЗС-ке шабуыл жасап, 500 мың теңгені қолды қылған үш күдіктіні ұстады.
Қостанайда жергілікті тұрғын қарт кісінің үйіне пнвматикалық қарумен кіріп, тонағаны үшін құрықталды.
