Ақтөбе облыстық денсаулық сақтау басқармасының мәліметінше, жыл санап өңірімізде егіздер саны көбейіп келеді. Биылғы жылдың сегіз айында облысымызда 270 егіз бала туылған деп жазады Ақтөбеньюс.
«Биылғы жылы туылған егіз балалардың саны 270 болып отыр. Яғни соңғы сегіз айда 135 ана босанды. Үшемдер болған жоқ. Өткен жылы 115 ана егіз туған болатын», — дейді Ақтөбе облыстық денсаулық сақтау басқармасының бас педиатры Айгүл Құрманғазықызы.
Мамандар облыстағы демографиялық ахуалда өткен жылмен салыстырғанда сәл ілгерілеу бар екенін хабарлайды. Осы жылдың 8 айында облыстағы бала туу көрсеткіші 13 060-ты көрсетіп отыр. Өткен жылмен салыстырғанда 588 балаға көп.
