Президенттің телерадиокешені Мемлекет басшысы мен әлем чемпионы Геннадий Головкиннің кездесуінен видео үзінді жариялады, деп хабарлайды Zakon.kz.
Сайтта айтылғандай, кәсіби бокс әлемінде ғана емес, бүкіл әлем болып күтетін оқиғалардың біріне 2 күн ғана қалды. Алдағы жекпе-жекте біздің әлем чемпионына қолдау көрсетейік.
«Қыркүйек айында сенің алдыңда өте маңызды жекпе-жек тұр. Қазақстандықтардың атынан саған табыс тілеймін. Қазақстандықтар сенің барлық кездесуіңді өте мұқият қарайды. Мақтан тұтамыз. Бұл – жастар үшін, тәрбие үшін өте маңызды», - деді президент.
"Менің ісім – жеңіп алу, сіздікі – билік ету", - деп жауап берді боксшы Назарбаевқа.