Парламент Мәжілісіндегі көліктік-логистикалық инфрақұрылымды дамыту жөніндегі комиссияның отырысында депутаттар жол бойына ағаш отырғызу мәселесін көтерді, деп хабарлайды Zakon.kz тілшісі.
«Мемлекет қажеттілігі үшін жерді алу туралы заң бар. Үкімет деңгейінде бір-ақ қағазбен шешуге болатын еді, біз оны қолдаймыз», - деді мәжілісмен Дархан Мыңбай.
Оның пікірінше, бұл мәселе көтерілу керек.
«Себебі жол - ол жол, ал ағаштар бір күнде өсе қоймайды. Сондықтан да тиімді шаралар қолдану керек», - деді ол.
Парламент депутаты бұл қоршаған ортаға әсер ететін маңызды сәт екенін атап өтті.
