Банктерге зейнетақы қорынан 300 млрд теңге бөлінеді

zakon.kz
Қазақстан президенті екінші деңгейлі банктерге кемінде 600 миллиард теңге көлемінде ұзақ мерзімге қаржы бөлуді тапсырған болатын.

ҚР Парламенті Мәжілісінің отырысында қаржы министрі Әлихан Смайылов екінші деңгейдегі банктерге қайдан ақша алатындығы туралы мәлімдеді, деп хабарлайды Zakon.kz тілшісі.

"Қаржы министрі ретінде, менің қолымда Ұлттық банк қаржының жартысын БЖЗҚ-дан, қалған жартысын Ұлттық банктің өз қаржысынан бөлуді жоспарлап отырғаны туралы ақпарат бар. Ол ақша екінші деңгейлі банктерге коммерциялық, нарықтық мөлшерлеме бойынша қайтарымды негізде беріледі", - деді ол.

Оның айтуынша, бұл қаражат экономика үшін басымдыққа ие жобаларға бөлінеді.

"Қазір біз қаржының мақсатты орындалуын, экономикамыз үшін басым бағыттар мен жобаларға бағытталғанын бақылау тетіктерін әзірлеуіміз керек", - деп түсіндірді қаржы министрі.

Ә. Смайыловтың айтуынша, зейнетақы қорындағы ақша БЖЗҚ активтерінің өсуі үшін инвестицияланып, табыс әкелуі керек.

"Сол себепті оларды бір жаққа инвестициялау керек. Бұл тұста нарықтық мөлшерлеме бойынша ел экономикасына инвестициялау туралы сөз болып отыр. Сондықтан бұл қалыпты жағдай. Мұндай практика барлық әлем елінде қолданылады", - деді министр.

Оқи отырыңыз

Жаңалықтан zakon.kz сайтында хабардар болыңыз:

Танымал жаңалықтар

"Жауын-шашын түсіп, көктайғақ болады". Дүйсенбіде еліміздің 17 өңірінде дауылды ескерту жарияланды

1200-ден астам құқық бұзушылық: Астанада жаппай рейд жүріп жатыр

Ұлытау облысында жыл басынан бері дрифт жасаған 14 көлік жүргізушісі жауапқа тартылды

Қазақстандық пара спортшы Малик Мұқашев таеквондодан әлем чемпионы атанды

Астана, Алматы және Шымкент қалалары бойынша алдағы бес күнге арналған ауа райы болжамы