Үскірік аяз бен көктайғақ. Өскемендегі №1 аурухананың жарақат бөліміне 200-дей адам келіп түсті, деп хабарлайды Алтайньюс тілшісі.
Дәрігерлер берген ақпаратқа сүйенсек, 23 қарашадан бері 178 адам келген. Көк мұзда тайып жығылғандардың көбі егде тартқан кісілер.
Ал аязды күндері үсіп қалған адамдардың саны – 10. Төртеуі амбулаториялық ем қабылдаса, алтауы емханаға жатқызылды. Сол алтаудың жартысы мекенжайы жоқ азаматтар екендігін айта кетейік.