"Қорғаста" иесіз жатқан екі центнерден астам дәрі-дәрмек анықталды, деп хабарлайды Zakon.kz ҚР ҰҚК баспасөз қызметіне сілтеме жасап.
"Қорғас" БП шекарашылары жүкті шекара маңы ынтымақтастығы халықаралық орталығын (ҚР аумағына кірер залында) тексеру кезінде анықтаған.
"Жалпы салмағы 209 келі тартқан жүк - Қытайда өндірілген медикаменттер екен. Болжам бойынша, заңсыз тауардың иесі жақындап келе жатқан шекарашыларды байқап қалып, қашып кеткен. Сол кеткен табылған жоқ. Тауар акт бойынша, "Алтынкөл" кеден бекетінің қызметкерлеріне тапсырылды",- деп хапбарлады ведомства өкілдері.