Синоптиктер 15-ақпанға арналған ауа-райы болжамын жасады, деп хабарлайды Zakon.kz.
"Қазгидромет" РМК таратқан ақпаратқа сәйкес Қазақстанның басым бөлігі төменгі қысым аймағында және соған байланысты атмосфералық фронтардың ықпалында болуына байланысты жауын-шашын, онтүстік- шығыста қатты жауын-шашын күтіледі, тек республиканың оңтүстік және оңтүстік батыс бөлігінде ауа райы жауын-шашынсыз болады. Республика бойынша кей жерлерде тұман, көктайғақ ,бұрқасын, желдің күшеюі күтіледі.
Ақмола, Қостанай, Солтүстік Қазақстан, Қарағанды, Шығыс Қазақстан, Жамбыл облыстарының кей жерлерінде тұман, жаяу бұрқасын желдің 15-20 м/с күшеюі күтіледі, күндіз Шығыс Қазақстан облысында желдің екпіні 25 м/с, Жамбыл облысының кей жерлерінде көктайғақ болады.
Алматы облысының кей жерлерінде тұман, көктайғақ, желдің 15-20 м/с күшеюі күтіледі, Жалаңашкөл ауданында желдің екпіні 25 м/с болады.
Батыс Қазақстан, Павлодар облыстарының кей жерлерінде тұман, күндіз желдің 15–20 м/с күшеюі күтіледі, Батыс Қазақстан облысының кей жерлерінде көктайғақ болады.
Түркістан, Қызылорда, Маңғыстау, Атырау облыстарының кей жерлерінде тұман, Түркістан, Қызылорда облыстарының кей жерлерінде көктайғақ күтіледі.