Астана әкімі Бақыт Сұлтанов халыққа есеп беру барысында қоқысты өңдеу жайлы айтты, деп хабарлайды Zakon.kz.
"Құрметті азаматтар, қоқыс жайлы, әкімнің сіздерден үлкен өтініші – қоқысты сұрыптай білейік. Ойлап қараңыздаршы, 24 сағаттың ішінде мың тонна қоқыс шығады. 2019 жылдың соңына дейін бізде қоқыс өңдейтін екі зауыт болады. Егер өзіміз тырыспасақ, Швейцариядағыдай өмір сүрмейміз", - деді елорда басшысы.
Бақыт Сұлтановтың айтуынша, ағымдағы жылдың соңына таман қалада тағы да бір қоқыс өңдеу зауытының құрылысы аяқталады. Ол дегеніміз пайдаға асыру күшін 50% арттырады деген сөз.
