"АвтоВАЗ" Lada Largus CNG атты моделінің өндірісін бастады. Бұл автокөлік бензинмен де, табиғи газбен де жүреді, деп хабарлайды Zakon.kz.
22 текшеметрлік сығымдалған газ сиятын 90 литрлік баллонға метан құйылады, 50 литрлік бензобак та өз орнында қалды.
Lada Largus CNG толық бакпен мың шықырымнан астам қашықтық жүре алады.
Газ баллондық жабдық модельдің коммерциялық версиясы мен жолаушылар версиясына да бірдей орнатылады.
"Метан пайдалану жанармай шығындарын үш есеге қысқартып, мотордың ресурсы мен экологиялық тазалығын арттырады ", — делінеді компанияның хабарламасында.
Lada Largus CNG автокөліктеріне көлемі 1,6 литрлік 16 клапанды Lada қозғалтқыштары орнатылады. Ал газ баллондық жабдықтың жол-көлік апаты болған жағдайда метанның сыртқа шығуын автоматты түрде жауып тастайтын арнайы клапаны бар.